قصة حب نهايتها الانتحار ~ انت لي

قصة حب نهايتها الانتحار

شب اسمه ريان حب بنت اسمها سالي حبوا بعض من 5 سنين

ريان قدسها ل سالي حبها حب جنون كان كل تفكيره سالي كل قعداته كان يحكيلي عن سالي شو عم تعمل كان يحكيلي حبه ل سالي وعلى حكيه سالي كانت بتحبه مثل ما حبها بس النهاية طلعت غير هيك حبيته منشان المصلحة كان يعمل شو ما بدها سالي شو ما بدها يصير ومن سنتين سالي مرضت بالسرطان الصراحة سالي وصلت لمرحلة الموت شعرها صار يتساقط و ريان قال جملة (قال: إذا بدها تموت سالي رح يدفن حبه جنب قبرها ) (قال إذا بتموت بده يسكن جنب قبرها) أهله حاولوا يقنعوه أنه يتركها حتى رفقاته حاولوا بس ريان قال ما بيتركها لو بدهن يقطعوا رقبته ...ريان كان يحكيلي كل أحاديثه مع سالي الصراحة لقيت من معاملة سالي مع ريان أنه سالي مزاجية و معاملتها قاسية مع ريان ...سالي ضلت سنتين و هي مريضة بالسرطان وسبحان الله ويشهد الله على حكيي سالي طابت من السرطان بعد ما وصلت على مرحلة الموت ..ريان عمل حفلة ريان كان عنده فرحة ما وصل لهذه الفرحة شخص بالحياة بس للأسف سالي ماخلت ريان يكمل فرحته ... بعد ما طابت سالي من مرضها قالت لريان (أنا أسفة ريان على اللي بدي أحكيه ..قال ريان أحكي ياعمري قولي يلي بدك ياه و لا تخافي من شي أنا جنبك طول العمر .. قالت للأسف ما طول العمر قالتله ريان أنا من طريق و أنت من طريق .. ريان صار يضحك وقلها بلا هذا المزح .. قالت ريان أنا ما عم أمزح هي الحقيقة .. قالتله ريان الدكتور من 6سنين توقع يكون معي السرطان فقلت أنا رح جرب الحب مع شخص قبل ما فارق الحياة وهذا الشخص اطلعت أنت ريان أنا أسفة على هذا الحكي بس هي الحقيقة وبعد ما طبت من مرضي مافيني كفي معك بدي شب أحلى و أحسن من وضعك ... قالت مافيني أتخيل حياتي مع شخص مثلك ... ريان سكت ما عرف شو بده يحكي والحقيقة ريان شب ملك جمال ووضعه المادي عالي بس سالي لاقت حجة منشان تتركه ...) ريان حاول أكتر من مرة يرجعلها بس سالي مارضت وقالت أنا عم قلعك شو أنت مافيك شرف ؟؟ وبعد أسبوع حكى معي ريان وقلي غسان هي أخر مرة بحكي معك قلتله ليش قلي أنا مسافر على بلد بعيد ومافيه رجعة قلتله ولا يهمك وقت بتوصل دقلي من هنيك قلي ما فيني قلتله ليش قلي صعب وبعدها صار يبكي وطلب أني شوفه فرحت شفته حضني وصار يبكي قلتله شو في قلي مافي شي قلتله منشان سالي أنسى بنت ما بتستاهلك بعد هي المعاملة سكت وما حكى وبعد أسبوع حكى معي وقلي أنا بالشام .. وبعد شهر وهو بالشام أجاني خبر أنتحاره أنا ماصدقت لحتى شفت أهله و قالولي قوص حاله بمسدس .... وسالي ما بقى عرفت أخبارها سافرت على محافظة سوريي ما عرفت المحافظة و أهله لريان بعد موته ب 40 يوم سافروا على إيطاليا ...هي هيي القصة ويشهد الله حكيتها بالحرف الواحد .. هي هيي الحياة الله يرحمك يا ريان .. والله مارح ينسى سالي والله كتبتها ودمعتي على خدي